ہندوستانی کرکٹ کنٹرول بورڈ (بی سی سی آئی) نے کھلاڑیوں کے لیے سنٹرل کانٹریکٹ کا اعلان کر دیا ہے۔ 21 اپریل کو 25-2024 سیزن کے لیے ہندوستانی سینئر ٹیم کے مردوں کے لیے سالانہ معاہدے کا اعلان کیا گیا۔ ہمیشہ کی طرح اس مرتبہ بھی کھلاڑیوں کو اے+، اے، بی اور سی کیٹگری میں تقسیم کیا گیا ہے۔
کانٹریکٹ کی لسٹ میں شریس ایّر اور ایشان کشن کی واپسی ہوئی ہے۔ وہیں رشبھ پنت اب گریڈ-اے میں ہیں۔ روہت شرما، وراٹ کوہلی، جسپریت بمرہ اور رویندر جڈیجہ کو سب سے اعلیٰ مقام اے+ زمرے میں رکھا گیا ہے۔ وہیں ورون چکرورتی، ابھیشیک شرما، نتیش کمار ریڈی، ہرشت رانا، سرفراز خان اور دھرو جوریل جیسے نوجوان کھلاڑیوں کو بھی کانٹریکٹ میں شامل کیا گیا ہے۔
بی سی سی آئی نے 25-2024 کے سالانہ معاہدے میں 34 کھلاڑیوں کو شامل کیا ہے۔ بی سی سی آئی معاہدے کی فہرست سے باہر ہونے کے ایک سال بعد ایشان کشن اور شریس ایّر کی واپسی ہوئی ہے۔ دونوں ہی کھلاڑیوں کو بورڈ نے پچھلے کانٹریکٹ میں جگہ نہیں دی تھی۔
سنٹرل کانٹریکٹ پانے والے کھلاڑیوں کی فہرست
اے+ کیٹگری: روہت شرما، وراٹ کوہلی، جسپریت بمرہ، رویندر جڈیجہ
اے کیٹگری: محمد شمی، محمد سراج، کے ایل راہل، شبھمن گل، ہاردک پانڈیا، رشبھ پنت
بی کیٹگری: سوریہ کمار یادو، کلدیپ یادو، اکچھر پٹیل، یشسوی جیسوال، شریس ایّر
سی کیٹگری: رنکو سنگھ، تلک ورما، ریتوراج گائیکواڑ، شیوم دوبے، روی بشنوئی، واشنگٹن سندر، مکیش کمار، سنجو سیمسن، ارشدیپ سنگھ، پرسدھ کرشنا، رجت پاٹیدار، دھرو جوریل، سرفراز خان، نتیش کمار ریڈی، ایشان کشن، ابھیشیک شرما، آکاش دیپ، ورون چکرورتی۔
