سی بی آئی نے بڑی کارروائی کرتے ہوئے دہلی ٹرانسپورٹ ڈپارٹمنٹ کے 6 افسروں کو بدعنوانی اور رشوت خوری کے الزام میں گرفتار کر لیا ہے۔ یہ کارروائی منگل کی شام میں انجام دی گئی۔ افسروں نے آج اس کی اطلاع دی ہے۔ دہلی میں برسراقتدار عام آدمی پارٹی کے بے دخل ہونے کے بعد راجدھانی میں یہ پہلی بڑی کارروائی ہے۔ بتایا جاتا ہے کہ ایجنسیوں کو محکمہ میں وسیع پیمانے پر بدعنوانی کے خلاف شکایتیں مل رہی تھیں۔
سی بی آئی نے بتایا کہ گرفتاری سے پہلے شکایتوں کی نگرانی اور تصدیق کرنے کا فیصلہ کیا گیا۔ شکایتوں کی تصدیق میں پہلی نظر میں مختلف سطح پر بدعنوانی کے اشارے ملے، جس کے بعد ان افسروں کی گرفتاریاں ہوئیں۔ حراست میں لیے گئے ان سبھی افسروں سے پوچھ تاچھ جاری ہے۔
‘آج تک’ کے مطابق سی بی آئی ذرائع نے بتایا ہے کہ کل شام کو دہلی ٹرانسپورٹ ڈپارٹمنٹ کے افسروں کو حراست میں لیا گیا ہے۔ یہ سبھی خاکی وردی پہنے تھے اور کا بیجا استعمال کر رہے تھے۔ جو گاڑیاں سڑکوں پر آتی جاتی ہیں ان سے یہ چالان وصول کرتے تھے۔
افسروں پر لگائے گئے الزامات کی سی بی آئی نے جب جانچ کی تو پتہ کہ 6 ٹی 4 اور ٹی5 سطح کے جو ملازم ہیں ان پر بدعنوانی کے الزام پہلی نظر سے صحیح ہیں۔ آج صبح ان کی گرفتاری کی گئی۔
سی بی آئی نے بتایا کہ حراست میں لیے گئے افسروں سے پوچھ تاچھ کی جا رہی ہے۔ اس کے بعد انہیں عدالت میں پیش کیا جائے گا، پھر ایجنسی ان کی تحویل مانگے گی۔ پوچھ تاچھ کے بعد یہ پتہ چل گیا ہے کہ یہ رشوت اپنے لیے لے رہے تھے یا کسی اعلیٰ افسر کو بھی اوپر پہنچا رہے تھے۔ سی بی آئی کا کہنا ہے کہ یہ بڑی کارروائی ہے۔
