نئی دہلی :چَیر نوارتری کے مقدس موقع پر مرکزی وزیر داخلہ امت شاہ نے تمام اہلِ وطن کو دلی مبارکباد پیش کی ہے۔ انہوں نے ماں بھگوتی سے دعا کی کہ وہ سب کو بہترین صحت، خوشحالی اور کامیاب زندگی عطا کریں۔امت شاہ نے سوشل میڈیا پلیٹ فارم “ایکس” پر اپنے پیغام کا آغاز “جے ماتا دی” کے نعرے سے کیا اور لکھا، “چَتر نوارتری کے پُنیہ تہوار پر تمام ملک کے عوام کو ہاردک مبارکباد۔ ماں بھگوتی سے آپ کی صحت، خوشحالی اور ایک شاندار زندگی کی کامنا کرتا ہوں۔”
اس موقع پر دیگر مرکزی وزراء اور رہنماؤں نے بھی عوام کو مبارکباد دی۔ مرکزی وزیر برائے سڑک ٹرانسپورٹ نتن گڈگری نے نوارتری کو طاقت اور حوصلے کی علامت قرار دیتے ہوئے کہا کہ بہار کے موسم کی شروعات کا یہ تہوار سب کی زندگی میں سکون اور خوشی لائے۔
مرکزی وزیر کرن رجیجونے ہندو نو سال، گڑی پڑوا اور اگادی کے موقع پر بھی نیک خواہشات کا اظہار کیا اور ماں شیل پتری سے دعا کی کہ نیا سنوتسر نئی امیدوں اور خوشیوں کا پیغام لے کر آئے۔
وہیں مدھیہ پردیش کے سابق وزیر اعلیٰ اور مرکزی وزیر زراعت شیوراج سنگھ چوہان نے ماں شیل پتری کی مدح میں سنسکرت شلوک شیئر کرتے ہوئے پوری دنیا کی بھلائی کی دعا کی۔ انہوں نے کہا کہ ہر گھر اور آنگن خوشیوں سے منور رہے۔
اتر پردیش کے وزیر اعلیٰ یوگی آدتیہ ناتھ نے بھی نوارتری کے پہلے دن ماں شیل پتری کی وندنا کرتے ہوئے کہا کہ جگت جننی ماں درگا کی عبادت کا یہ تہوار سبھی بھکتوں کی زندگی میں طاقت، عقیدت اور مثبت توانائی بھر دے۔
اسی طرح آسام کے وزیر اعلیٰ ہمانتا بسوا شرما نے بھی ماں درگا کے نو روپوں کے آشیرواد سے ملک میں امن، سکون اور خوشحالی کی دعا کی۔
